Garoowe-(Puntland Mirror) Diyaarad sida qaad ayaa maanta oo Talaado ah kasoo degtay garoomada diyaaradaha ee magaalooyinka Laa-scaanood, Gaalkacyo iyo Qardho iyadoo dowlada federaalka Soomaaliya ay hakisay qaadkii Miirowga ee ka imaan jiray dalka Kenya.
Sida ay sheegeen dadka deegaanka magaalooyinkaas diyaarada ayaa siday qaad Miirow ah oo ka badan intii awal la keeni jiray.
Dowlada federaalka Soomaaliya oo caalamka taageero ayaa shalay soo saartay go’aan ku saabsan in la hakiyay qaadka Miirowga oo ka yimaada Kenya.
Isaga oo saxaafada maxaliga ah la hadlayay xalay afhayeenka dowlada Puntland Cabdulaahi Maxamed Jaamac “Quraan-jacel” ayaa sheegay in go’aanka qaadka lagu joojiyay uusan qusayn Puntland ayna imaan karaan garoomada Puntland dhamaan diyaaradaha qaadka sida.
Dowlada federaalka ma aysan faahfaahin sababta loo hakiyay qaadka Miirowga ee Kenya.
Soomaaliya ahaa ah suuqa ugu weyn ee qaadka Miirowga Kenya in ka badan 16 diyaaradood ayaa lagu qiyaasaa in ay maalin walba geedkaas keenaan gudaha Soomaaliya.
Related Posts
December 29, 2016 Madasha Hoggaanka Qaran oo dib u dhigay fulinta doorashada 18-ka xubnood oo ay dhawaan ku kordhiyeen aqalka sare
July 18, 2016 Puntland iyo Somaliland oo ku dagaalamay gobolka Sanaag: Warbixin
July 7, 2016 RW Israel oo Kenya u balanqaaday taageero lagula dagaalamayo argagixisada
July 14, 2016 Somali security forces thwart car bomb attack in Mogadishu
Be the first to comment