Diyaaradda burburtay ayaa nooceedu ahaa An-148 sida tan ka muuqata sawirka.

Moscow-(Puntland Mirror) Diyaarad Ruushka leeyahay oo siday 71 qof oo rakaab ah iyo shaqaalaha diyaaradda ayaa burburtay maanta oo Axad ah kadib markii ay kasoo muuqan weyday shaashadaha raadaarka, sida ay sheegeen warbixinadu.

Diyaaradda ayaa ka tagtay caasimada Ruushka ee Moscow waxayna ku socotay magaalada Orsk.

Ilo-wareedyo katirsan Adeegyada Gargaarka deg dega ah ayaa wakaalada wararka Interfax u sheegay in diyaaradu ay burburtay aysana jirin fursad ah in dadka saaran ay badbaadaan.

Waxaa la sheegay in ay ku dhacday meel u dhow Argunov, oo qiyaastii 80 kiilomitir dhanka koonfurta-bari ka xigta Moscow.

Sida ay warbaahinta Ruushka sheegtay, diyaarada ayaa laga waayay shaashadaha raadaarka labo daqiiqi kadib markii ay ka tagtay garoonka.

Share this story about sharing

Leave a Reply

Your email address will not be published. Required fields are marked *

*

Scroll Up