Sida ay daabacday wakaalada wararka Daacish ee Acmaaq, ninka weerarka fuliyay ayaa magaciisa la oran jiray Abu Qadaama kaasoo dhalasho ahaan kasoo jeeda gobolka Gedo ee Soomaaliya.
Acmaaq ayaa ku warantay in Abu Qadaama uu kamid ahaa dagaalyahanada Daacish ee gudaha Soomaaliya.
Ugu yaraan afar qof ayaa ku geeriyootay weerarka ismiidaaminta ah oo lala eegtay bar kantarool ay ciidamada Puntland ku lahaayeen meel u dhow isgoyska Towfiiq ee gudaha magaalada Boosaaso.
Wuxuu ahaa weerarkii ugu horeeyay oo ismiidaamin ah oo Daacish ay ka geysato gudaha Soomaaliya.
Maleeshiyada Daacish oo ku dhuumanaysa deegaanada buuralayda ah ee gobolka Bari Puntland ayaa horey waxay u kamid ahayd ururka Al-Shabaab kahor inta aysan ka bixin dabayaaqadii sanadkii 2015-kii.
Related Posts
March 28, 2021 Somalia Says Kenyan Move to Close Camps is Politically Motivated
May 8, 2018 Madaxweynaha Cabdiweli oo sheegay in Puntland aysan wax faaiido ah ka helin aqalka sare ee Soomaaliya
September 24, 2017 Yaa iska leh hubkii ay qabteen ciidanka badda Puntland?
September 8, 2017 US airstrike killed Al-Shabab fighter in southern Somalia
Be the first to comment