Cutub cusub oo ciidamo ah oo ka socda Burundi oo yimid Muqdisho si ay u badalaan cutub horey u joogay

Ciidamada oo ka socda guutada 40-aad ee ciidamada difaaca Burundi ee marka magacooda lasoo gaabiyo la dhaho (BNDF), ayaa ka hoos shaqayn doona Howlgalka Midowga Afrika ee gudaha Soomaaliya (AMISOM).

Isaga oo ka hadlayay markii ay soo gaareen garoonka diyaaradaha ee Muqdisho, taliyaha cutubka cusub, Nsingirankabo ayaa sheegay in ciidamadiisu ay diyaar u yihiin waajibaadka loo soo diray ee ah nabad ilaalinta Soomaaliya.

“Ciidamadeydu waxay diyaar u yihiin in ay shaqada kusoo fool leh ee ah la dagaalanka Al-Shabaab si gacan looga geysto xasilinta Soomaaliya. Waxaan isku dayaynaa in ciidamadaydu ay xaqiijiyaan ilaalinta dhammaan shuruucda caalamiga ah iyo in aan ku guuleysano taageerada dadka Soomaaliyeed.” ayuu yiri Nsingirankabo.

Guutada 34-aad ayaa waxaa saldhig u ah magaalada Jowhar ee gobolka Shabeellaha Hoose.