Ciidamadda PSF oo sheegay in afar maleeshiyo Al-Shabaab ah lagu dilay howlgal ka dhacay Buuraha Caalmadoow

Sawirka askari katirsan Ciidanka PSF oo ka dagaalamaya Buuraha Galgala.

Garoowe-(Puntland Mirror) Afar maleeshiyo Al-Shabaab ah ayaa Ciidamadda Ammaanka Puntland ee PSF ay ku dileen howlgal Axadii dhacay, sida PSF ay ku sheegeen bayaan ay soo dhigeen Facebook-kooda.

PSF ayaa bayaanka ku sheegay in howlgalka ka dhanka ah Al-Shabaab uu ka dhacay deegaanada Booj iyo Dhagaxbuur oo katirsan Buuraha Caalmadoow.

PSF ayaa intaas ku dartay in deegaanada Galgala iyo Sugure ay ka saareen maleeshiyada Al-Shabaab.

Ciidanka PSF ayaa la dagaalamaya Al-Shabaab tan iyo markii ay kacdoonkeeda hubeysan ay ka bilowday Buuraha Galgala sanadkii 2010. Ciidamada ayaa sidoo kale dagaal kula jira ISIS, oo ah koox yar oo hubeysan taasoo ballanqaaday inay daacad u tahay ISIS sannadkii 2015-ka.

About Abdi Omar Bile 691 Articles
Senior Managing Editor at Puntland Mirror and Co-founder of The Site. His Special Passion is Covering Topics Related to Security and Business.You can follow him on Twitter @Abdiomarbile

Be the first to comment

Leave a Reply

Your email address will not be published.


*