Taliyaha ciidamada dalka Yugaandha Janaraal Katumba Wamala ayaa sheegay in Yugaandha ay u qorshaysantahay bisha December ee sanadka 2017-ka wakhtiga ay ciidamadeeda kala baxayso gudaha dalka Soomaaliya.
Si kastoo ay ahaataba Smail Chergui oo ah wakiilka guddiga Midowga Afrika ee nabada iyo amniga ayaa sheegay in taliyaha ciidamada Yugaandha uu aqbalay in qaraarka sheegaya in dhamaan dalalka ay ciidamada ka joogaan Soomaaliya ay bilaabaan ka bixida bisha Oktoobar ee sanadka 2018-ka.
Warkan ayaa la cadeeyay shalay oo Arbaco ahayd iyadoo taliyeyaasha ciidamada Yugaandha iyo kuwa kale AMISOM ay kulan ku yeesheen gudaha magaalada Kampala ayna qaraar ku gaaren in ay Soomaaliya ka baxaan marka la tababaro lana qalabeeyo ciidamada Soomaaliya.
Yugaandha ayaa ahayd dalkii kowaad oo guutooyin ciidamo ah u diray dalka ay dagaalada halakeeyeen ee Soomaaliya sanadkii 2007-da si ay u la dagaalamaan argagixisada al-Shabaab.
Janaraal Katuma Wamala ayaa sheegay in la joogo wakhtigii ay dowlada Soomaaliya awood u lahaan lahayd in ay horumarin ku samayso awoodeeda si ay uga hortagto khatarta maleeshiyada al-Shabaab, Janaraalka ayaa intaas ku daray in sii joogista ciidamada AMISOM aysan taageero buuxda u noqon doonin Soomaaliya wakhti sii dheer.
Related Posts
October 3, 2023 Tobanaan ku dhimatay dagaal beeleed ka dhacay gobolka Mudug
May 21, 2017 President Farmajo travels to Saudi Arabia for US-Arab Islamic Summit
February 3, 2019 13 Al-Shabab fighters killed in US airstrike in Lower Shabelle region
May 18, 2017 Puntland Parliament wants to block President’s proposal to increase parliamentary seats
Be the first to comment