![Ciidamada Puntland oo soo bandhigay hub laga qabsaday dagaalyahanada ISIS kuwaasoo magaalo xeebeedka Qandala laga saaray bishii December ee sanadkii lasoo dhaafay. [Sawirka: Puntland Mirror]](https://puntlandmirror.net/wp-content/uploads/2017/01/hub.jpg)
Sida ay ciidamadu sheegeen, in ka badan 200 rasaas ah, 2 qori oo RBJ ah, hal qori oo PKM ah iyo ugu yaraan 10 qori oo AK-47 ah ayaa laga qabsaday ISIS intii uu socday howlgalkii looga xoreynayay Qandala maleeshiyada ISIS.
Ciidamada ayaa sidoo kale soo bandhigay labo gaari oo la sheegay in laga qabsaday dagaalyahanada ISIS.
Maalintii Isniinta, Madaxweynaha Puntland Cabdiweli Maxamed Cali ayaa Qandala ku tagay dooni si uu u soo kormeero ciidamada jiida hore jooga.
Isaga oo ka hadlayay meesha hubka lagu soo bandhigayay, Madaxweyne Cabdiweli ayaa sheegay in xoreyntii Qandala ay guul u ahayd dowladda Puntland iyo shacabkeeda.
Bishii lasoo dhaafay, ciidamada qalabka ku raran ee dowladda Puntland ayaa dib u gala wareegay magaalada Qandala maleeshiyada ISIS kuwaasoo qabsaday magaalada bartamihii bishii Oktoobar ee sanadkii tagay.
Related Posts
March 25, 2017 Ganacsade daawooyinka iibiya oo loo doortay guddoomiyaha ururka PUNSAA
September 15, 2017 Juha in Jowhar to attend Hir-Shabelle’s presidential election
October 13, 2017 Ciidanka ammaanka Puntland oo Garoowe ku xiray xubno kamid ah koox isugu yeertay madasha samatabixinta Puntland
October 8, 2016 Tirada dhimashada oo sii kordhaysa kadib duufaanta Hurricane Matthew oo ku dhufatay dalka Haiti
Be the first to comment