“Ciidanka Amniga Puntland (PSF) waxay maanta 29 January 2018, hawlgal ka sameeyeen tuulada Ceelaayo ee gobolka Sanaag. Hawlgalkan ay ciidanka PSF maanta ku tageen Ceelaayo ayaa qayb ka ah hawlgallo isdaba joog ah oo ay ciidanka PSF wadeen muddooyinkan dambe, hawlgalladaas oo ka dhan ah cadowga Al Shabaab ee ku dhuumaalaysta buuraha Cal Madow, Puntland, Soomaaliya.” Ayay ku sheegeen boggooda Facebook-ka.
“Ciidanka PSF waxaa ka go’an in ay god iyo geed walba ka daba galaan kooxaha cadowga ah ee Puntland ku soo duulay, si kooxahaas looga ciribtiro loogana sifeeyo Puntland iyo guud ahaan Soomaaliya ba.” Ayay ku sii dareen.
Ciidamada PSF ayaa bilihii dhawaa ee lasoo dhaafay howlgal militari oo ka dhan ah maleeshiyada Al-Shabaab ka waday deegaano kuyaala gobolada Bari iyo Sanaag.
Ciidamada Puntland ayaa kula dagaalamaya maleeshiyada Al-Shabaab buuraha Galgala tan iyo sanadkii 2010-kii.
Related Posts
July 1, 2017 Askari katirsan ciidamada Puntland oo lagu dilay gudaha magaalada Gaalkacyo
April 28, 2018 Qarax ismiidaamin ah oo afar askari ku dilay magaalada Gaalkacyo
September 29, 2017 Taliyaha Ciidanka Turkiga oo yimid Muqdisho
August 8, 2016 Wasaarada waxbarashada iyo tacliinta sare ee Puntland oo aqoonsigii waxbarashada kala noqotay tuulada Qarxis
Be the first to comment