Muqdisho-(Puntland Mirror) Ciidamada dowlada federaalka Soomaaliya ayaa ku dilay sarkaal sare oo al-Shabaab ah meel u dhow magaalada Beledweyne ee gobolka Hiiraan maanta oo Sabti ah, sida uu sheegay sarkaal.
Taliye ku-xigeenka howlaha amaanka ee Beledweyne, Maxamed Ibraahim, ayaa wakaalada wararka dowlada Soomaaliya (Sonna) u sheegay in taliye al-Shabaabka ah lagu dilay intii uu socday dagaal culus oo u dhaxeeyay ciidamada dowlada iyo maleeshiyada.
“Ciidamada dowlada waxay dileen sarkaalkii al-Shabaab u qaabilsanaa howlaha militariga ee gobolkan, waxaana la dhihi jiray Cabdi Aadan, wuxuu dhawaan ku bireeyay oday nabad-doon ahaa meel u dhow Beledweyne, maanta ayuu ku dhintay dagaalka u dhaxeeyay ciidamada dowlada iyo maleeshiyada oo ka dhacay aagaas, ciidamada guul bay ka gaareen howlgalkaas,” ayuu yiri Maxamed Ibraahim.
Ciidamada dowlada Soomaaliya ayaa howlgalo ka dhan ah dagaalyahanada al-Shabaab ka waday sanadkan koonfurta iyo bartamaha Soomaaliya.
Related Posts
November 13, 2016 Puntland oo soo gabagabeysay wejiga labaad ee doorashada xildhibaanada dowladda federaalka Soomaaliya
October 14, 2016 Xaalada Gaalkacyo oo dagan kadib dagaal culus oo shalay dhacay
June 6, 2016 Somali President arrives in Dadaab refugee camp in Kenya
June 7, 2018 Ruug cadaa saxafi Maxamed Aadan Teera oo London ku geeriyooday
Be the first to comment