Boosaaso-(Puntland Mirror) Ciidamada daraawiishta dowlada Puntland ayaa dhaq-dhaqaaq ciidan ka wada meelo kamid ah gobolka Sanaag.
Dhaq-dhaqaaqa ayaa yimid kadib markii ciidamo kamid ah maamulka Somaliland ay soo gaareen qaybo kamid ah gobolka Sanaag, sida ay u sheegeen Puntland Mirror dadka deegaanka.
Ujeedka ciidamada Somaliland ayaa la sheegay in ay tahay sidii ay halkaas uga qaybin lahaayeen sanaadiiqda cod bixinta ee Somaliland.
Dadka deegaanka oo la hadlay warsidaha Puntland Mirror ayaa sheegay in ay ka cabsi qabaan in isku dhac uu halkaas ku dhexmaro labada ciidan.
Ciidamada Puntland iyo Somaliland ayaa dagaal ku dhexmaray gobolka Sanaag sanadkii 2007-da. Labada maamul ayaa ku muransan gobolada Sool iyo Sanaag.
Related Posts
January 27, 2020 Wedi ka socda Puntland oo tagay magaalada Badhan ee gobolka Sanaag
November 2, 2016 Maraakiib dagaal oo aan la aqoon cida leh oo duqeeyay saldhigyada maleeshiyada taageersan ISIS ee magaalo xeebeedka Qandala
July 7, 2016 Somalia’s foreign ministry denies ‘secret meeting’ between Somali President and Israel PM
November 16, 2017 Xisbiga Wadani ee Somaliland oo sheegay in ay joojiyeen wada shaqayntii ay la lahaayeen Guddiga Doorashooyinka
Be the first to comment