Wasiirka dekadaha iyo gaadiidka badda ee maamulka Galmudug, Burhaan Warsame, ayaa Reuters u sheegay in burcadbadeedu ay badmaaxyada u ka xaysteen deegaanada Galmudug ee bartamaha Soomaaliya maalintii Isniinta ee lasoo dhaafay ayna isku dhaceen ciidamada maamulka Galmudug labo maalmood kadib.
“Waxaanu soo badbaadinay sagaal badmaax waana ay caafimaad qabaan,” Burhan ayaa Reuters u sheegay.
Burcadbaeeda ayaa qabsaday doonida oo loo yaqaan Al Kausar oo laga leeyahay Hindiya bishii lasoo dhaafay.
Guddoomiyaha degmada Hobyo, Cabdulaahi Cali Axmed, ayaa idaacada Voa-da qaybta Af-Soomaaliga u sheegay in howlgalka ay ku qabteen afar katirsan burcadbadeeda.
Isniintii lasoo dhaafay, Burcadbadeeda ayaa wakaalada wararka Reuters u sheegay in badmaaxyada ay afduubteen ay u isticmaali doonaan gorgortanka sidii ay lagu sii dayn lahaa burcadbadeed ku xiran gudaha dalka Hindiya.
Asbuucyadii lasoo dhaafay, burcadbadeeda Soomaaliya ayaa kordhiyay weeraradooda ka dhanka ah maraakiibta ganacsi ee gooshaysa biyaha Soomaaliya.
Dhawaan, iyaga oo la hadlayay warbaahinta gudaha qayb kamid ah kalluumaysatada ayaa ku goodiyay in ay hubka qaadan doonaan mar labaad kuna noqon doonaan burcadbadeednimada si ay ula diriraan waxay ugu yeereen “maraakiibta jariifka ee ajaaniibta ah”.
Related Posts
January 24, 2017 Qarax ka dhacay makhaayad kutaala magaalada Afgooye oo dilay ugu yaraan saddex qof
July 17, 2018 Madaxweynaha Puntland oo danjiraha Sweden u qaabilsan Africa kulan kula yeeshay Brussels
September 19, 2018 Puntland President visits in Baran town
August 11, 2017 Mareykanka oo duqayn ka dhan ah Al-Shabaab ka geystay gobolka Banaadir
Be the first to comment