Ciidamada ammaanka Puntland oo dil toogasho ah ku fuliyay shan xubnood oo katirsanaa ururka Al-Shabaab

**13-kii Febaraayo, 2017-ka. maxkamada ciidamada Puntland ee Boosaaso ayaa toogasho ku xukuntay xubnaha la toogtay [Xigashada Sawirka: Puntland Post]**

Boosaaso-(Puntland Mirror) Ciidamada ammaanka Puntland ee ku sugan magaalada Boosaaso ayaa toogasho ku fuliyay shan xubnood oo katirsanaa ururka Al-Shabaab, sida uu sheegay guddoomiyaha maxkamada ciidamada Puntland Cabdifataax Xaaji Aadan.

Cabdifataax ayaa warbaahinta u sheegay in toogasahada la fuliyay saakay oo Sabti ahayd.

Guddoomiyaha maxkamada ciidamada ayaa sheegay in shanta nin ay qirteen in ay ahaayeen xubno katirsan Al-Shabaab ayna ku lug lahaayeen dilal ka dhacay gudaha Puntland, oo lagu bartilmaameedsaday saraakiil katirsanaa dowladda Puntland.

Tani waa toogashadii labaad tan iyo markii sanadkii 2014-kii Madaxweyne Cabdiweli Maxamed Cali uu xukunka yimid. Bartamihii sanadkii 2015-kii ciidamada Puntland ayaa toogtay saddex xubnood oo Al-Shabaab katirsanaa oo lagu eedeeyay qaraxyo ka dhacay magaalo xeebeedka Boosaaso.

13-kii Febaraayo ee sanadkan, maxkamada ciidamada Puntland ee Boosaaso ayaa toogasho ku xukuntay xubnaha la toogtay.

November 10, 2017 Mareykanka oo sheegay in duqayn ka dhacday gobolka Baay lagu dilay dhowr dagaalyahan oo Al-Shabaab ah
August 12, 2016 Puntland security forces arrests 10 al-Shabab suspects
April 1, 2017 Haayada waddooyinka Puntland ee PHA iyo shirkada Isxilqaan oo kala saxiixday heshiiska dhismaha jidka u dhaxeeya Garoowe iyo Gaalkacyo
September 3, 2018 NISA oo sheegtay in xubin katirsan Al-Shabaab ay ku qabteen howlgal ay ka fuliyeen Muqdisho

About Puntland Mirror 876 Articles

Puntland Mirror is a website news provider based in Puntland’s capital, Garowe, Somalia. Puntland Mirror is an independent online source providing you the latest update stories from Puntland, Somalia and around the World.