Kigali-(Puntland Mirror) Saddex nin oo looga shaki qabo in ay ahaayeen kuwa shaqaalaysiiya jihaadiyiinta ayaa booliiska dalka Rwanda ku toogteen koonfurta-galbeed ee Rwanda kadib markii ay ka dhaga-adaygeen in la xiro, sida ay booliiska ku sheegeen bayaan.
Sida ay ku warantay wakaalada wararka AFP booliiska ayaa sheegay in nimanka la dilay ay dagaalameen ayna isku dayeen in ay baxsadaan markii ciidamada booliiska ay howlgal ku qaadeen guriga ay joogeen.
Booliiska ayaa sheegay saddex nin oo kale oo laga shaki qabo oo mid kamid ah uu dhaawac yahay ay soo xireen.
Baaritaanka hordhaca ah ayaa muujinaya in nimankaas ay ku howlanaayeen olole ujeedkiisu ahaa qoritaan kooxo jihaadiyiin ah, sida lagu sheegay bayaan booliiska kasoo baxay.
Booliiska ayaa guriga ay joogeen nimankaas waxay kasoo heleen waxyaabo xagjirayn ah oo ay kamidyihiin cajilado CD ah iyo buugaag.
Rwanda oo ah dal kuyaala qaarada Afrika oo lagu xasuusto xasuuqii ugu xumaa caalamka dalka uu ka dhacay sanadkii 90-kii, ayaa bulshada Muslimiinta yihiin kuwa ugu yar oo kunool dalkaas. Rwanda ayaan marna arag weeraro argagixiso oo dalkeeda ka dhaca.
Related Posts
August 24, 2017 Golaha wasiiradda Puntland oo sheegay in laga hortagi doono lacagaha kaashka ah ee lasoo gelinayo gudaha Puntland
November 22, 2017 Puntland iyo Itoobiya oo isku raacay adkaynta xiriirka ka dhaxeeya
October 2, 2018 Sagaal dagaalyahan oo katirsan Al-Shabaab oo lagu dilay duqeyn Mareykanku uu ka geystay meel u dhow Kismaayo
March 27, 2022 Maleeshiyada Al-Shabaab oo weerar ku qaaday deegaanka Afurur ee gobolka Bari
Be the first to comment