Garoowe-(Puntland Mirror) Madaxweynaha dowlada Puntland Cabdiweli Maxamed Cali ayaa maanta oo Khamiis ah si rasmiya u furay bandhiga buugaagta ee Garoowe.
Dhowr qoraa oo Soomaali ah oo uu kamidyahay suugaan uruuriyaha Soomaaliyeed, Axmed Faarax Idaajaa ayaa kasoo qaybgalay bandhig bugaageedka.
Prof Lidwien Kapteijins, oo ah qoraaga buuga “Clan Cleansing in Somalia” ayaa sidoo kale kasoo qaybgashay, waxaa si lamid ah isna kasoo qaybgalay Dr. Georgi Kapchits, oo ah cilmibaare Ruush ah oo muddo 40-sanno ah baranayay luuqada Soomaaliga, qorayna buugaag badan oo maahmaahyo iyo sheekooyin Soomaali ah.
Bandhig bugaageedka ayaa waxaa soo agaasimay machadka horumarka iyo cilmnaarista ee SIDRA, waxaana lagu qabtay qol weynaha shirarka ee Jaamacada Bariga Afrika faraceeda Garoowe.
In kabadan shan boqol oo buug ayaa lagu soo bandhigay bandhiga sida uu Puntland Mirror u sheegay sarkaal katirsan Jaamacada Bariga Afrika.
Inta uu socdo bandhiga, qoraayaasha ayaa soo bandhigaya buugaagtooda waxayna iibin doonaan boqolaal buug oo koobi ah.
Si kastoo ay hataaba, buugaagta intooda badan waxay ku qoranyihiin Af-Soomaali, balse waxaa kale oo jira buugaag badan oo ku qoran English.
Related Posts
February 24, 2017 Boqolaal katirsan shacabka Muqdisho oo waddooyinka u soo baxay si ay taageero ugu muujiyaan Raysulwasaaraha cusub ee Soomaaliya
August 17, 2017 Puntland President travels to Saudi Arabia for hajj
March 10, 2019 Ciidamo katirsan maamulka Somaliland oo lagu soo waramay in ay yimaadeen deegaano kuyaala gobolka Sanaag
July 11, 2020 Shirka u dhaxeeya Dowladdaha Xubnaha ka ah Dowladda Federaalka Soomaaliya oo ka furmay Dhuusamareeb
Be the first to comment