Garoowe-(Puntland Mirror) Golaha baarlamaanka dowlada Puntland ayaa kasoo horjeestay wakhti kordhin uu Madaxweynaha u sameeyay masuuliyiinta maxkamada sare Puntland.
Golaha oo ku guda jira kala-fadhigooda 37-aad ee ka socda caasimada Puntland, Garoowe ayaa maanta cod u qaaday muddo kordhinta Madaxweynaha Puntland Cabdiweli Maxamed Cali u sameeyay masuuliyiinta maxkamada sare, golaha baarlamaanka ayaa cod aqlabiyada ku diiday muddo kordhinta masuuliyiinta maxkamada sare.
Madaxweynaha ayaa dhawaan muddo afar bilood ah u kordhiyay masuuliyiinta maxakamada sare Puntland oo dhawaan wakhtigoodii dhamaaday.
Sida uu dastuurka dowlada Puntland qeexayo, Madaxweynaha ayaa awood u leh inuu markale tigreedo ku celiyo golaha baarlamaanka si ay cod ugu qaadaan, isaga oo ku lifaaqaya sababaha keenay inuu markale baarlamaanka dib ugu cesho digreetada muddo kordhinta.
Masuuliyiinta maxkamada sare Puntland ayaa ka kooban shan xubnood oo kala ah, guddoomiyaha, ku-xigeenkiisa iyo saddex garsoore.
Ugu dambayna Madaxweynaha ayaa awood u leh soo magacaabida masuuliyiinta maxkamada sare dowlada Puntland.
Related Posts
July 31, 2018 Qaramada Midoobay oo dib u dhigtay dhimista ciidamada AMISOM ee jooga Soomaaliya
September 4, 2016 Ugu yaraan hal qof oo ku dhintay mudaharaad ka dhacay magaalada Laas-caanood
June 24, 2021 Ciidamada badda Puntland oo qabtay markab si sharci darro ah uga kalluumeysanayay biyaha Puntland
September 1, 2016 US designates ISIS leader in East Africa as global terrorists list
Be the first to comment