Ammaanka Muqdisho oo la adkeeyay iyadoo ay soo aadantahay doorashada madaxweynaha

Inta badan waddooyinka Muqdisho ayaa la xiray, ganacsiga ayaa la codsaday in la xiro, halka iskuulada iyo jaamaacaduhu ay ardayda fasaxeen labo maalmood.

275-ta xidhibaan ee aqalka hoose iyo 54-ta aqalka sare ayaa dooran doona madaxweynaha xiga ee dalka.

Madaxweynaha hadda xafiiska jooga Xasan Shiikh Maxamuud ayaa kamid ah 22 musharax kuwaasoo u tartamaya madaxweynenimo.

Inta lagu guda jiro wareega kowaad ee doorashada, musharuxu waxaa uu u baahanyahay sadeex meelood  labo meel si uu u noqdo madaxweyne, wareega labaad waxa uu lamidyahay kan kowaad. Wareega saddexaad guushu waxa ay aadaysa musharaxa ugu codka badan.

Doorashada ayaa ka bixi doonta taleefishinada maxaliga ah ee Soomaalida iyo sidoo kale warbaahinta bulshada sida You Tube-ka iyo Facebook-ka.